დავასრულოთ პოლარიზაცია, როდემდე უნდა ვიაროთ სასამართლოში? როდემდე უნდა ვამტკიცოთ სიმართლე? - რთული სათქმელია, რა გადაწყვეტილებას მიიღებს მოსამართლე, მაგრამ ბრძოლა აუცილებლად გაგრძელდება , - ამის შესახებ საქართველოს მესამე პრეზიდენტის ძმამ, გიორგი სააკაშვილმა თბილისის საქალაქო სასამართლოში, ჟურნალისტებს განუცხადა.

როგორც ის განმარტავს, თუ სასამართლომ მიიღო გადაწყვეტილება, რომ „მიხეილ სააკაშვილს პატიმრობაში ტოვებენ და წირავენ, მაშინ სტრასბურგის სასამართლოს მიმართავენ“.

“ როდესაც ჯანმრთელობას ეხება საქმე, დავასრულოთ პოლარიზაცია, როდემდე უნდა ვიაროთ სასამართლოში? როდემდე უნდა ვამტკიცოთ სიმართლე? რა მდგომარეობაშია ადამიანი?! იმ იმედით შევალ პროცესზე, რომ მოსამართლე ადეკვატურ გადაწყვეტილებას მიიღებს. მაინც, რთული სათქმელია, რა გადაწყვეტილებას მიიღებს მოსამართლე, მაგრამ ბრძოლა აუცილებლად გაგრძელდება. თუ მიიღო გადაწყვეტილება, რომ ვტოვებთ და ვწირავთ ადამიანს, ეგრევე მივმართავთ სტრასბურგის სასამართლოს. დარწმუნებული ვარ, ევროპული საზოგადოება დაგვიდგება გვერდით“, - აღნიშნავს სააკაშვილი.

ცნობისთვის, საქართველოს ყოფილი პრეზიდენტისთვის სასჯელის გადავადების, ან სასჯელისგან გათავისუფლებასთან დაკავშირებით სასამართლოს შუამდგომლობით სააკაშვილის ადვოკატებმა მიმართეს. აღნიშნულ შუამდგომლობას მოსამართლე გიორგი არევაძე დაახლოებით, ორი თვეა, განიხილავს.