წონით როგორ ზომავთ? მითხარით, ვის აქვს დაბალი წონა ჩვენთან? ეს ცოტა არასერიოზულია, - ასე უპასუხა „ნაციონალური მოძრაობის“ თავმჯდომარემ ლევან ხაბეიშვილმა ჟურნალისტის შეკითხვას, რატომ თქვეს უარი ენმ-ს პოლიტსაბჭოს წევრობაზე პარტიის „წონიანმა" პოლიტიკოსებმა, როგორებიც არიან: ეკა ხერხეულიძე, აკაკი მინაშვილი და ა.შ.

როგორც ხაბეიშვილმა განმარტა, დასახელებული წევრები პოლიტსაბჭოში იყვნენ, როგორც პარლამენტის წევრები. მისი თქმით, ახლა, პოლიტიკური საბჭოს 73 მანდატი არის ხალხში და არა ცენტრალურ კაბინეტში და ოფისში. მისი თქმით, თამამად შეუძლია თქვას, რომ ნაციონალურ მოძრაობაში“ ასეთი დემოკრატიული პროცესი არასდროს ყოფილა.

„არჩევნები იქნება ხალხში. „ნაციონალურ მოძრაობაში“ და ზოგადად უნდა შევეჩვიოთ იმას, რომ დემოკრატიულ პარტიაზეა საუბარი, სადაც ელექტრონული არჩევნები ჩატარდა, 50 000-მა ადამიანმა მიიღო მონაწილეობა...

ყველა უნდა შეეგუოს, გაიგოს საზოგადოებამ, რომ „ნაციონალურ მოძრაობაში“ პირველ და მეორე სართულზე არჩევნები აღარ ჩატარდება. არჩევნები ჩატარდება ქალაქებში, რაიონებში და პოლიტსაბჭოს 73 მანდატი არის ველზე“- აცხადებს ხაბეიშვილი.