აჭარის მთავრობის თავმჯდომარე თორნიკე რიჟვაძე თურქეთის რესპუბლიკაში, მიწისძვრის შედეგად დაღუპულთა ოჯახებს, მთავრობას და თურქ ხალხს სამძიმარს უცხადებს.
"ღრმა მწუხარებას გამოვთქვამ თურქეთის რესპუბლიკაში მომხდარი ტრაგედიის გამო. სოლიდარობას და თანადგომას ვუცხადებ თურქ ხალხს, თურქეთის მთავრობას. ამ უდიდესი კატასტროფის შედეგად დაშავებულებს გამოჯანმრთელებას ვუსურვებ", - აცხადებს თორნიკე რიჟვაძე, რომლის განცხადებასაც აჭარის ავტონომიური რესპუბლიკის პრესსამსახური ავრცელებს.