გიული ალასანია - ძალიან მინდა მათ, ვინც პროცესშია ჩართული და გადაწყვეტილება უნდა მიიღოს, იგრძნოს პასუხისმგებლობა - დღეს იწერება მთელი ისტორია
საქართველოს მესამე პრეზიდენტის, მიხეილ სააკაშვილის დედა, გიული ალასანია იმედოვნებს, რომ დღეს მოსამართლე ობიექტურ გადაწყვეტილებას მიიღებს.
გიული ალასანია ცოტა ხნის წინ თბილისის საქალაქო სასამართლოში მივიდა და ჟურნალისტებს განუცხადა, რომ დღეს "ისტორია იწერება".
"ვინც არის ამ პროცესში ჩართული, ვინც გადაწყვეტილება უნდა მიიღოს, ძალიან მინდა, რომ მათ იგრძნონ თავისი პასუხისმგებლობა ისტორიის წინაშე, რადგან დღეს აქ იწერება მთელი ისტორია. ძალიან გაწელილი იყო პროცესი. ბოლოს და ბოლოს დადგა ეს დღე, როცა გადაწყვეტილება უნდა იყოს მიღებული. ყველაფერი შესაძლებელია მოხდეს, ვნახოთ",-განაცხადა ალასანიამ.
