მამუკა მდინარაძე „ნაციონალურ მოძრაობაზე“ - კატეგორიულად უარყოფდნენ საქართველოს ომში ჩართვის სურვილს, ამავდროულად იმუქრებიან ქვეყნის შიგნით სამოქალაქო ომით და სისხლისღვრით

ისინი {"ნაციონალური მოძრაობა"} კატეგორიულად უარყოფდნენ საქართველოს ომში ჩართვის სურვილს, ამავდროულად იმუქრებიან ქვეყნის შიგნით სამოქალაქო ომით და სისხლისღვრით - შემიძლია ყველა დავარწმუნო, რომ ნებისმიერი ერთი არასწორი ნაბიჯის გადადგმა პასუხგაცემული იქნება კანონის ყველა მოთხოვნით, - ამის შესახებ საპარლამენტო ფრაქცია „ქართული ოცნების“ თავმჯდომარემ, მამუკა მდინარაძემ პარტიის ოფისში განაცხადა, რითაც უპასუხა კითხვას, „როგორ შეაფასებს „ნაციონალური მოძრაობის“ მხრიდან ომის მუქარას“.

როგორც ის განმარტავს, საყურადღებოა რადიკალური და სიძულვილით სავსე რიტორიკა, რაც ომისკენ მოწოდებებს შეეხება.

„ნება მათია, აირჩიეს ხაბეიშვილი, პოლიტსაბჭო. ახმოვანებენ ომის მოწოდებებს. ყველაზე მთავარია ის კოორდინაცია, საერთო და დალაგებული მესიჯი, ასევე ის, თუ ვინ ახმოვანებინებს ამ მესიჯებს.

ისინი {ნაციონალური მოძრაობა} დღემდე კატეგორიულად უარყოფდნენ საქართველოს ომში ჩართვის სურვილს, ამავდროულად იმუქრებიან ქვეყნის შიგნით სამოქალაქო ომით და სისხლისღვრით. პირდაპირი მუქარა აქვთ, რომ ომი იქნება საქართველოში. ამასთან, ემიჯნებიან, არა ჩვენ ომზე არ ვსაუბრობთო და ამ დროს, შიგნით იქნება ომიო, ქართველებს ემუქრებიან ომით. ის კოორდინაცია და მასშტაბი, რა კოორდინაციითაც ისინი ამ მესიჯებს ალაგებენ ყურადსაღებია, მაგრამ, ამის აღსრულების რესურსი საბედნიეროდ მათ არ გააჩნიათ. საყურადღებოა რადიკალური და სიძულვილით სავსე რიტორიკა, რაც პირდაპირ ომისკენ მოწოდებებს შეეხება. საზოგადოება ამასთან დაკავშირებით დასკვნებს გამოიტანს. შემიძლია ყველა დავარწმუნო, რომ ნებისმიერი ერთი არასწორ ნაბიჯის გადადგმა პასუხგაცემული იქნება კანონის ყველა მოთხოვნით", - აღნიშნავს მდინარაძე.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო