აშშ-ის პრეზიდენტი, ჯო ბაიდენი ხვალ კონგრესის წინაშე ყოველწლიური მიმართვით წარდგება. CNN-ის ინფორმაციით, პრეზიდენტი კონგრესში წარმომადგენელთა პალატის სპიკერმა, კევინ მაკკარტიმ მიიწვია.
„ჩემი ვალდებულებაა მოგიწვიოთ სიტყვით გამოსვლისთვის კონგრესის გაერთიანებულ სესიაზე 2023 წლის 7 თებერვალს, რათა შეასრულოთ კონსტიტუციით გათვალისწინებული თქვენი მოვალეობა და წარდგეთ მოხსენებით“, - აღნიშნულია მაკკარტის მიერ ჯო ბაიდენისთვის გაგზავნილ წერილში.
CNN-ის ინფორმაციით, ყოველწლიური მიმართვა ბაიდენს მისცემს შანსს, ყურადღება გაამახვილოს ძირითად პრიორიტეტებსა და დღის წესრიგის საკითხებზე.