ვემხრობი, არა მხოლოდ პარლამენტიდან, არამედ საკრებულოებიდან გამოსვლას - აზრთა სხვაობა ბევრ საკითხზეა, მათ შორის, საპარლამენტო ბოიკოტზეც იყო, თუმცა ფრაქციის ამ გადაწყვეტილებას ყველა უერთდება, - ამის შესახებ „ნაციონალური მოძრაობის“ წევრმა ანა წითლიძემ განაცხადა.

მისი თქმით, პარტიის წევრთა ნაწილი არ იზიარებს მოსაზრებას საკრებულოების დატოვების თაობაზეც.

„მე ვემხრობი, არა მხოლოდ პარლამენტიდან გამოსვლის და მანდატების დატოვებას, არამედ საკრებულოებიდან გამოსვლასაც, მათ შორის თბილისის საკრებულოდან. აზრთა სხვადასხვაობა გუნდში არის საკრებულოებთან დაკავშირებით, თუმცა ვერ წარმომიდგენია, როცა ვსაუბრობთ გუშინდელ გადაწყვეტილებაზე, რომლითაც სიცოცხლის უფლება წაართვეს მიხეილ სააკაშვილს, როგორ შეიძლება ეს არ შევიმჩნიოთ ან პარლამენტში ან საკრებულოებში?“ - განაცხადა წითლიძემ და დასძინა, რომ „ფრაქციის გადაწყვეტილებას ყველა შეასრულებს“.