მიხეილ სააკაშვილი იზიარებს იმას, რომ სტრასბურგს უნდა მიმართონ, ბრძოლა უნდა გაგრძელდეს, - ამის შესახებ საქართველოს მესამე პრეზიდენტის, მიხეილ სააკაშვილის დედამ, გიული ალასანიამ „ვივამედში“ მიხეილ სააკაშვილის მონახულების შემდეგ განაცხადა.

როგორც ალასანია აღნიშნავს, მიხეილ სააკაშვილის ჯანმრთელობის მდგომარეობა უცვლელია, საკვების მიღებაზე კვლავ მიუღებლობა აქვს.

„მიხეილ სააკაშვილი იზიარებს იმას, რომ სტრასბურგს უნდა მიმართონ, ბრძოლა უნდა გაგრძელდეს. გუშინდელი გადაწყვეტილება მოულოდნელი არ ყოფილა, ეჭვი არ ეპარებოდა, ზუსტად იცოდა, რომ ასე იქნებოდა. მოსამართლის განსხვავებული გადაწყვეტილება იქნებოდა მისთვის მოულოდნელი. ჯანმრთელობის მდგომარეობა კი ისევ ისეთია, ჭამის მიმართ მიუღებლობა აქვს“, - აღნიშნავს ალასანია.