მაკა ბოჭორიშვილი - „ნაციონალური მოძრაობის“ ყველა რესურსი მიმართულია, რომ ქვეყანა, რომელიც რუსული ოკუპაციის პირობებში ცდილობს განვითარდეს, შეაფერხონ და უკან დაწიონ

„ნაციონალური მოძრაობა“ უარს აცხადებს საპარლამენტო მუშაობაზე. ასეთია ე.წ. ყველაზე დიდი ოპოზიციური პარტიის პასუხი ქვეყნის ევროპულ პერსპექტივაზე. დღესავით ნათელია, რომ ამ ძალას არც ქვეყანა აინტერესებს არც მისი ევროკავშირში გაწევრიანება, - ამის შესახებ ევროპასთან ინტეგრაციის კომიტეტის თავმჯდომარე მაკა ბოჭორიშვილმა პარლამენტის პლენარულ სხდომაზე განაცხადა.

როგორც ბოჭორიშვილმა აღნიშნა, „ნაციონალური მოძრაობის“ მიზანია არეულობა, ქაოსი და საქართველოს დისკრედიტაცია ქვეყნის შიგნით და ქვეყნის გარეთ.

„მათი ყველა რესურსი მიმართულია, რომ ქვეყანა რომელიც რუსული ოკუპაციის პირობებში ცდილობს წავიდეს წინ, განვითარდეს, შეაფერხონ და უკან დაწიონ“, - განაცხადა ბოჭორიშვილმა.

მისივე თქმით, ყველა ის ქმედება განწირულია, რასაც „ნაციონალური მოძრაობა“ ახორციელებს.

„სიმართლე არის ყველაზე ძლიერი იარაღი, რაც ვინმეს ოდესმე მოუგონია, რომელიც ადრე თუ გვიან თავის გზას აუცილებლად პოულობს. სიმართლე არის ის, რომ საქართველოს ხელისუფლება ყველაფერს აკეთებს, რათა ამ გეოპოლიტიკურ მოცემულობაში ქვეყნის უსაფრთხოება უზრუნველყოს, რომ ქვეყნის სტრატეგიული მიზანი, მისი ევროკავშირში გაწევრიანება შესაძლებელი გახადოს. მიუხედავად ასეთი დესტრუქციული წინააღმდეგობებისა შინ და გარეთ, რომ საქართველოს ღირსეულია ადგილი ეკავოს თანამედროვე დემოკრატიულ სამყაროში და იდგეს ჩვენი სტრატეგიული პარტნიორების გვერდით, გახდეს ეკონომიკურად ძლიერი და ეს საქართველოს ყველა მოქალაქემ იგრძნოს. სიმართლე არის ის, რომ სახელმწიფო ყველაფერს აკეთებს იმისთვის, რომ იმ ადამიანსაც კი, რომელმაც საკუთარი ნებით თქვა საკუთარ სამშობლოზე უარი, სიცოცხლე შეუნარჩუნოს. სიმართლე არსად დაიკარგება და შევძლებთ იმ მიზნის მიღწევას, რასაც ქართველი ხალხი იმსახურებს და რაც მას სურს“, - განაცხადა მაკა ბოჭორიშვილმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია