ხატია დეკანოიძე - არ ვემხრობი საპარლამენტო და საკრებულოების ბოიკოტს, არც მანდატების დატოვებას

„ნაციონალური მოძრაობის“ წევრი ხატია დეკანოიძე პარლამენტსა და საკრებულოებში ბოიკოტის გამოცხადებას, ასევე მანდატების დატოვებას მხარს არ უჭერს.

აღნიშნულის შესახებ ხატია დეკანოიძე „ფეისბუქის“ გვერდზე წერს.

როგორც ოპოზიციონერი დეპუტატი აღნიშნავს, თუ პროცესის რადიკალიზაცია არასწორად წავიდა, ეს უმძიმესი პრობლემა იქნება პარტიისთვის და მიხეილ სააკაშვილისთვის.

„მე არ ვემხრობი უშედეგოდ არც საპარლამენტო და არც საკრებულოების ბოიკოტს, არც მანდატების დატოვებას. ახლა, ყველაზე მნიშვნელოვანია რაციონალურად შევხედოთ მოვლენებს და ჩვენი პარტნიორების ნდობა არ დავკარგოთ. ჩვენ ვიცით ჩვენი პარტნიორების განწყობები. თუ პროცესის რადიკალიზაცია არასწორად წავიდა (მასიურ პროტესტს არ ვგულისხმობ) - ეს იქნება უმძიმესი პრობლემა პარტიისთვის და მიშასთვის. რაც უფრო მარგინალური პროცესებისკენ მიდის გზა - უფრო არ გაუშვებენ მიშას.

მიშას საკითხის გადაწყვეტა არის საერთაშორისო მნიშვნელოვან ზეწოლაზე მუშაობა. ივანიშვილმა უნდა იგრძნოს საფრთხე. ამაზე ვმუშაობთ 1,5 წელი (ყველაფრის თქმა არ შემიძლია რიგი მიზეზების გამო). დღეს ის საპირისპიროს ხედავს. რაც უფრო ბევრს გვეყოფა უნარი რაციონალიზმის და საჯაროდ საუბრის სიმართლეზე, უკეთესია ჩვენი სამშობლოს ინტერესებისთვის“, - წერს ხატია დეკანოიძე.

შეგახსენებთ, საქალაქო სასამართლოს მიერ მიხეილ სააკაშვილის საქმეზე მიღებული გადაწყვეტილების გამო, რომლის თანახმად სააკაშვილს სასჯელის გადავადებაზე უარი ეთქვა, „ნაციონალური მოძრაობის“ წევრებმა პარლამენტში პოლიტიკური ბოიკოტი გამოაცხადეს. მათი თქმით, მიხეილ სააკაშვილის საქმეზე სასამართლოს მიერ მიღებული გადაწყვეტილება საქართველოს ევროპული პერსპექტივის წინააღმდეგაა მიმართული.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავის ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო