ლევან ხაბეიშვილი - ოპოზიციონერებმა დაასრულონ ერთმანეთის მიმართ ტალახის სროლა - ნიშნის მოგებით, დაბოღმილი და წაგებულის პოზიციიდან საუბარი უნდა მორჩეს, ახლა ერთობის დროა

ნიშნის მოგებით, დაბოღმილი და წაგებულის პოზიციიდან საუბარი უნდა მორჩეს. ამის დრო არ არის, ახლა არის ერთობის დრო , - ამის შესახებ „ნაციონალური მოძრაობის“ თავმჯდომარემ, ლევან ხაბეიშვილმა მთავრობის ადმინისტრაციასთან განაცხადა, რითაც უპასუხა კითხვას, თუ რით იქნება განსხვავებული მის მიერ დაგეგმილი აქციები „ნაციონალური მოძრაობის“ ყოფილი თავმჯდომარის ნიკა მელიას მიერ დაგეგმილი აქციებისგან.

ხაბეიშვილის განცხადებით, ახლა ფორსმაჟორში უწევთ მუშაობა და პარტია საგანგებო რეჟიმში გადადის სამუშაოდ.

„ყველას მოვუწოდებ, ოპოზიციონერებმა დაასრულონ ერთმანეთის მიმართ ტალახის სროლა. ახლა ძალა ერთობაშია. ჩემს წინამორბედზე განცხადებების გაკეთებას არ ვაპირებ. მთავარი ბრძოლა წინ გვაქვს და ეს უკავშირდება არა „ნაციონალურ მოძრაობას“, არა ვიწრო პარტიულ ინტერესებს, არამედ ჩვენი ქვეყნის მომავალს. ნიშნის მოგებით, დაბოღმილი და წაგებულის პოზიციიდან საუბარი უნდა მორჩეს. ამის დრო არ არის, ახლა არის ერთობის დრო.

2 დღეა, რაც ყრილობამ ოფიციალურად ამირჩია თავმჯდომარედ, მას შემდეგ, რაც არჩევნებში 50 000 ადამიანმა მიიღო მონაწილეობა. დიახ, ჩვენ ბევრი გვაქვს სამუშაო. მე მინდოდა სწრაფად გამეხსნა რაიონებში ოფისები, ლოჯისტიკა აგვეწყო, მოვმზადებულიყავით, თუმცა რუსული რეჟიმი ამის საშუალებას არ გვაძლევს და ვხედავთ, რომ სასიკვდილო განაჩენი გამოუცხადეს პუტინთან მებრძოლ მთავარ სარდალს. ახლა ფორსმაჟორში გვიწევს მუშაობა. უნდა ვიყოთ საგანგებო რეჟიმში. ვინმეს ჰგონია, რომ ხელებს ჩამოუშვებთ? არ ჩამოვუშვებთ. ვინმეს ჰგონია, რომ ამ ბრძოლას ვერ მოვიგებთ? - მოვიგებთ“, - განაცხადა ხაბეიშვილმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის