სისხლის სამართლის პასუხისმგებლობის ასაკს მიუღწეველ და რთული ქცევის მქონე არასრულწლოვანთა რეფერირების პროცესის ხელშეწყობის მიზნით, მულტიუწყებრივი შეხვედრა გაიმართა
სისხლის სამართლის პასუხისმგებლობის ასაკს მიუღწეველ და რთული ქცევის მქონე არასრულწლოვანთა რეფერირების პროცესის ხელშეწყობის მიზნით, მულტიუწყებრივი შეხვედრა გაიმართა.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს მიერ გავრცელებული ინფორმაციის თანახმად, საჯარო და არასამთავრობო სექტორების წარმომადგენლებმა არასრულწლოვანთა რეფერირების ცენტრის მუშაობის სპეციფიკაზე იმსჯელეს. განიხილეს რეფერირების მექანიზმის არსებული პრაქტიკა და სამომავლო აქტივობები დაგეგმეს.
სააგენტოს ცნობით, შეხვედრა პროექტ - „ბავშვთა დაცვის სისტემების და მომსახურებების გაძლიერება საქართველოში“ - ფარგლებში შედგა. ის 2021 წლიდან ხორციელდება და სისხლის სამართლის პასუხისმგებლობის ასაკს მიუღწეველ და რთული ქცევის მქონე არასრულწლოვანთა რეფერირების პროცესის ხელშეწყობას ისახავს მიზნად.
„მულტიუწყებრივ შეხვედრას დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს, მანდატურის სამსახურის, სახელმწიფო ზრუნვის სააგენტოს, შინაგან საქმეთა სამინისტროსა და პროკურატურის წარმომადგენლები ესწრებოდნენ“, - აღნიშნულია სააგენტოს მიერ გავრცელებულ ინფორმაციაში.
