აშშ-ის პრეზიდენტი ჯო ბაიდენი პოლონეთში შესაძლოა უკრაინის წინააღმდეგ რუსეთის ომის დაწყების წლისთავზე ჩავიდეს. ამის­ შესახებ ინფორმაციას NBC News საკუთარ წყაროებზე დაყრდნობით ავრცელებს.

გამოცემის სამი წყაროს თანახმად, ბაიდენის პოლონეთში ვიზიტი თებერვლის ბოლოსთვის არის დაგეგმილი, თუმცა ეს საბოლოო თარიღები არ არის და თეთრი სახლის ოფიციალურ ანონსებამდე გეგმები შესაძლოა შეიცვალოს.

თეთრი სახლის ეროვნული უსაფრთხოების საბჭოს წარმომადგენელმა ამ ინფორმაციაზე კომენტარის გაკეთებაზე უარი განაცხადა.

ცნობისთვის, აქამდე პოლონეთის პრეზიდენტის კანცელარიაში დაადასტურეს, რომ აშშ-ის პრეზიდენტი ჯო ბაიდენი პოლონეთში ვიზიტს “უახლოეს დროში” გეგმავს.