უკრაინელი მაშველები თურქეთში უახლოეს დროში ჩავლენ. ამის შესახებ უკრაინის პრეზიდენტი ვოლოდიმირ ზელენსკი თურქ კოლეგა რეჯეფ თაიფ ერდოღანთან გამართული სატელეფონო საუბრის შემდეგ პირად “ტელეგრამ” არხზე წერს.

“თურქეთის პრეზიდენტთან რეჯეფ თაიფ ერდოღანთან საუბრისას თანაგრძნობა გამოვუცხადე საშინელ ტრაგედიასთან დაკავშირებით, რომელიც თურქ ერს ეწვია მიწისძვრების გამო. ვუთხარი გადაწყვეტილების შესახებ, რომ უკრაინიდან თურქეთში მაშველების რაზმს და ტექნიკას ვგზავნით, რომლებიც დახმარებას გაუწევენ საგანგებო მდგომარეობის შედეგების ლიკვიდაციაში”, - წერს ზელენსკი.

უკრაინის პრეზიდენტმა ასევე აღნიშნა, რომ უკრაინელ სპეციალისტებს შესაბამისი გამოცდილება გააჩნიათ სტიქიური უბედურებების შედეგების დაძლევაში და თურქეთის დაზარალებულ რეგიონებში უახლოეს დროში ჩავლენ.