თურქეთში ისკენდერუნის პორტი იწვის. ინფორმაციას ამის შესახებ BBC-ი ავრცელებს.
გამოცემის თანახმად, ისკენდერუნის პორტი, რომელიც ქალაქ გაზიანთეფისგან სამხრეთ-დასავლეთით 112 კილომეტრის მოშორებით მდებარეობს, მეორე დღეა რაც იწვის. პორტისკენ მიმავალ გემებს სხვაგან ამისამართებენ.
BBC-ის კორესპონდენტის ინფორმაციით, პორტის გარშემო ჰაერში შავი კვამლი ჩანს და დამწვარი საწვავის სუნი იგრძნობა. მისივე თქმით, ხანძარი მიწისძვრის შედეგად გაჩნდა, რომელმაც საპორტო კონტეინერები ამოაყირავა და ცეცხლი გააჩინა.
ტვირთების გადაზიდვის ერთ-ერთმა უდიდესმა კომპანიამ AP Moller Maersk-მა ხანძართან დაკავშირებით განცხადება გაავრცელა, რომელშიც აღნიშნავს, რომ ამ მომენტისთვის გაუგებარია მუშაობა ნორმალურ პირობებს როდის დაუბრუნდება, ხოლო ტვირთები თურქეთის სხვა პორტებში გადაამისამართა, ისევე როგორც ეგვიპტის პორტ-საიდში.