ყოყმანისა და კომპრომისის გარეშე, მსოფლიო პუტინის გარეშე უკეთესი იქნებოდა, - ამის შესახებ გერმანიის თავდაცვის მინისტრმა, ბორის პისტორიუსმა განაცხადა.

გერმანულ სამიზნეებზე შესაძლო ბირთვული დარტყმის შესახებ რუსი პროპაგანდისტების მუქარასთან დაკავშირებით საუბრისას გერმანიის თავდაცვის მინისტრმა განაცხადა, რომ მას ეს მუქარა არ აშინებს.

"ეს ნამდვილად არ მაშინებს. ერთი არის ის, რაც ხდება შიგნით და მეორე არის ის, რაც ხდება პროპაგანდაში. ბოლოს და ბოლოს, არცერთმა ჩვენგანმა არ იცის, რას აკეთებს პუტინი, მაგრამ ამან არ უნდა შეგვიშალოს ხელი ჩვენს მოკავშირეებთან ერთად უკრაინის გონივრული მხარდაჭერისთვის", - განაცხადა ბორის პისტორიუსმა.

შეგახსენებთ, გერმანიის თავდაცვის მინისტრი გუშინ კიევში იმყოფებოდა, სადაც უკრაინელ კოლეგას, ოლექსი რეზნიკოვს და სხვა ოფიციალურ პირებს შეხვდა.