სამხრეთ კორეა მიწისძვრის შედეგად დაზარალებულ თურქეთში, სამძებრო-სამაშველო სამუშაოებში დასახმარებლად, 110 მაშველს გზავნის, რომელთაგან 50 სამხედრო პერსონალია.

მედიის ცნობით, ოფიციალური სეული ანკარას გადაუდებელი ჰუმანიტარული დახმარების სახით 5 მილიონი დოლარის დახმარებას უკვე დაჰპირდა.

ამასთან, თურქეთში, ადანას აეროპორტში უკვე ჩავიდა ჩინეთის მთავრობის მიერ გაგზავნილი 82-კაციანი სამაშველო ჯგუფი.

ჩინეთის სახელმწიფო მაუწყებლის CCTV-ს ცნობით, ჩინელმა მაშველებმა 20 ტონა სამედიცინო და სხვა სამაშველო აღჭურვილობა ჩაიტანეს. მათ ასევე თან ახლავთ ოთხი სამძებრო-სამაშველო ძაღლი.