„დაიცავი გელათი!“ - ამ მოწოდებით პარტია „ლელოს“ წარმომადგენლებმა პარლამენტთან აქცია გამართეს

„დაიცავი გელათი!“ - ამ სახელწოდებით პარტია „ლელოს“ წარმომადგენლებმა პარლამენტთან აქცია გამართეს.

აქციის მონაწილეებმა საკანონმდებლო ორგანოსთან, დაზიანებული ტაძრის ფოტოები მიიტანეს. მათ ჰქონდათ ბანერები წარწერით, „ვკარგავთ გელათს, ვკარგავთ ისტორიას, ვკარგავთ საქართველოს!"; "სოლიდარობა ქართველ მეცნიერებს".

როგორც „ლელოს“ წარმომადგენლები აღნიშნავენ, წლების განმავლობაში, გელათის ტაძრის რესტავრაციის პროცესი უმოქმედობით, არაპროფესიონალიზმით და გულგრილობით იმართება, რამაც ის დაზიანებამდე მიიყვანა.

„ლელოს“ დეპუტატის, ანა ნაცვლიშვილის განცხადებით, გელათის ტაძრის მდგომარეობაზე პასუხისმგებლობა ხელისუფლების წარმომადგენლებს ეკისრებათ.

„ქართული ოცნების“ მიერ გელათის რესტავრაციის პროცესი მივიდა იქამდე, რომ ჩვენ დავკარგეთ გელათი იმ სახით, რითაც ის წინაპრებმა შემოგვინახეს. ახლა საბრძოლი არის ის, რომ იმ ფორმით მაინც შევინარჩუნოთ, რა ფორმით დღეს ძეგლი ჯერ კიდევ უძლებს. ეს არის კულტურის მინისტრის ძალიან მძიმე პასუხისმგებლობა. ყველას თავისი წილი პასუხისმგებლობა აქვს იმ დანაშაულებრივი გულგრილობისთვის და დუმილისთვის, რომელსაც ხელისუფლება იჩენს მაშინ, როდესაც ქართველი და უცხოელი მეცნიერები საუბრობენ, თუ რამდენად არასწორად, თვითნებურად ხორციელდება რესტავრაცია, რამაც ის დაზიანებამდე მიიყვანა," - განაცხადა ანა ნაცვლიშვილმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია