ირაკლი კობახიძე - 10 წლის განმავლობაში ქვეყნიდან 29 000-ით მეტი მოქალაქე გავიდა, ვიდრე შემოვიდა, ეს შეიძლება ჩაითვალოს ოპტიმალურ მაჩვენებლად

10 წლის განმავლობაში ქვეყნიდან 29 000 -ით მეტი მოქალაქე გავიდა, ვიდრე შემოვიდა, ეს შეიძლება ჩაითვალოს ოპტიმალურ მაჩვენებლად, - ამის შესახებ „ქართული ოცნების“ თავმჯდომარემ, ირაკლი კობახიძემ ჟურნალისტებს განუცხადა.

მისივე თქმით, საქართველოში 600 000 ადამიანი ცხოვრობს სიღარიბის ზღვარს მიღმა და ამის გამო მიგრაციის ინტერესი არსებობს.

„მიგრაცია არის გამოწვევა, ჩვენ გვინდა, რომ დადებითი მიგრაციული სალდო გვქონდეს. იმაზე მეტი შემოდიოდეს საქართველოში ვიდრე გადის ქვეყნიდან. გასული წლების განმავლობაში, 2012 წლის შემდეგ, ჩვენ გვაქვს მთლიანობაში 29 000 მინუსი, ანუ გვაქვს უარყოფითი მიგრაციული სალდო. ამ 10 წლის განმავლობაში ქვეყნიდან 29 000 -ით მეტით გავიდა, ვიდრე შემოვიდა, ეს შეიძლება ჩაითვალოს ოპტიმალურ მაჩვენებლად, თუ ჩვენ მაგალითად: ევროკავშირის ქვეყნების სტატისტიკას გადავხედავთ. მაგალითად: ლიეტუვა და ლატვია, მოსახლეობა ევროკავშირში გაწევრიანების შემდეგ ლიეტუვაში 600 000-ით შემცირდა და ლატვიაში 400 000-ით. ეკონომიკა პირობითად შვედეთში 10-ჯერ უფრო მეტია, ვიდრე საქართველოში, როცა არის ასეთი დისბალანსი ეკონომიკებს შორის, მიგრაციისკენ ინტერესი არის. საშუალო ხელფასი საქართველოში თუ არის 1200 ლარი, მაგალითად, გერმანიაში შეიძლება იყოს 2000 – 3 000 ევრო.

საქართველოში ჯერ კიდევ 600 000 ადამიანი სიღარიბის ზღვარს მიღმა ცხოვრობს, ასეთ პირობებში მიგრაციის ინტერესი არის. ამიტომ, ჩვენი მთავარი ამოცანა ამ ტემპის შენარჩუნებაა, 10 000 დოლარიან ნიშნულს რომ გადავცდეთ და ამის ძალიან რეალური მოცემულობა 2027 წელს გვაქვს“, - განაცხადა კობახიძემ.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო