არჩილ თალაკვაძე ოპოზიციის ნაწილზე - წინა გინესის რეკორდი, რომელიც მათ დაამყარეს, იყო 8-თვიანი ბოიკოტი, შემდეგ ეცადნენ, მაგრამ ეს რეკორდი ვერავინ მოხსნა, ახლა ვნახოთ, რამდენ ხანს გაგრძელდება ბოიკოტი
პოლიტიკური უვიცობა და ალბათ, გაკოტრებული თამაშია, როცა საპარლამენტო არჩევნებამდე წელიწადნახევრით ადრე აცხადებ, რომ პარლამენტში და საკრებულოებში აღარ გამოხვალ სიტყვით და აღარ აპირებ საქმიანობას, - ამის შესახებ პარლამენტის ვიცე- სპიკერმა არჩილ თალაკვაძემ განაცხადა, რითაც ოპოზიციის ბოიკოტს გამოეხმაურა.
მისი თქმით, ეს აუცილებლად აისახება საარჩევნო შედეგებზე.
„წინა გინესის რეკორდი, რომელიც მათ დაამყარეს, იყო 8 - თვიანი ბოიკოტი, შემდეგ ეცადნენ, მაგრამ ეს რეკორდი ვერავინ მოხსნა, ახლა ვნახოთ, რამდენ ხანს გაგრძელდება ბოიკოტი. საერთოდ, მგონია, რომ ეს არის პოლიტიკური უვიცობა და ალბათ, გაკოტრებული თამაშია, წინასწარ გეტყვით, როცა საპარლამენტო არჩევნებამდე წელიწადნახევრით ადრე აცხადებ, რომ პარლამენტში და საკრებულოებში აღარ გამოხვალ სიტყვით და აღარ აპირებ იქ საქმიანობას, ეს აუცილებლად აისახება არჩევნებში საბოლოო შედეგებზე და ეს რადიკალური ოპოზიცია იმ ამომრჩეველსაც დაკარგავს, რომელმაც აქ შემოიყვანა. ეს არის პირდაპირ სიგნალი სხვა ოპოზიციური პარტიებისთვის, რომ მაქსიმალურად დაიკავონ სივრცე, რაც ხელოვნურად და ზოგჯერ ძალადობით ეკავა რადიკალურ ოპოზიციას. შემდეგ არჩევნებში მჯერა საზოგადოება განსხვავებულ არჩევანს გააკეთებს ოპოზიციასთან მიმართებით,"- განაცხადა თალაკვაძემ.
