„ნაციონალური მოძრაობა“ იუსტიციის სამინისტროსთან აქციას მართავს

ნაციონალური მოძრაობა“ იუსტიციის სამინისტროსთან აქციას მართავს.

აქციის მონაწილეების მოთხოვნა მიხეილ სააკაშვილის მკურნალობის მიზნით გათავისუფლებაა.

აქციის მონაწილეები მიმართავენ იუსტიციის მინისტრს რატი ბრეგაძეს და სკანდირებენ “მკვლელო”.

მათივე თქმით, ყველა, ვინც სააკაშვილის საპატიმროში დატოვების პროცესის მონაწილეა, მისი მკვლელია.

აქციის მონაწილეებს ადგილზე მიტანილი აქვთ საქართველოსა და უკრაინის დროშები. შეკრებილებს სიტყვით მიმართავენ “ნაციონალური მოძრაობის” წევრები.

“უნდა იგრძნონ, რომ მიხეილ სააკაშვილს ბევრი მხარდამჭერი ჰყავს. ყველას მივაკითხავთ და ყველა აგებს პასუხს”, - განაცხადა გიორგი მუმლაძემ.

ადგილზე მობილიზებულია პოლიცია. სამართალდამცველებს გადაკეტილი აქვს სამინისტროს შენობასთან ასასვლელი კიბე.

შეგახსენებთ, „ნაციონალურმა მოძრაობამ“ პროტესტის უწყვეტი ტალღა მას შემდეგ დააანონსა, რაც თბილისის საქალაქო სასამართლომ საქართველოს მესამე პრეზიდენტის, მიხეილ სააკაშვილისთვის სასჯელის გადავადებაზე შუამდგომლობა არ დააკმაყოფილა. მიხეილ სააკაშვილისთვის სასჯელის გადავადების, ან სასჯელისგან გათავისუფლებასთან დაკავშირებით სასამართლოს შუამდგომლობით ექსპრეზიდენტის ადვოკატებმა მიმართეს. აღნიშნულ შუამდგომლობას მოსამართლე გიორგი არევაძე დაახლოებით, ორი თვე განიხილავდა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო