მაია ბითაძე ოპოზიციას - დღეს ჩვენ გვაბრალებენ, რომ რაღაცას ისე არ ვაკეთებთ, რაც საჭიროა, სულ მიჩნდება კითხვა: თქვენ უკეთესად რას გააკეთებდით?

საპარლამენტო უმრავლესობის წევრის მაია ბითაძის შეფასებით, პარლამენტის თავმჯდომარის ყოველწლიური ანგარიში საინტერესო იყო.

„მიღებულია 300-მდე კანონპროექტი - ეს არ არის უბრალო ციფრები. სწორედ ეს არის ის პოლიტიკა, რომელსაც ჩვენ ვახორციელებთ. ეს პოლიტიკა ეფუძნება ჩვენს მისწრაფებას, რომ გავერთიანდეთ ევროპულ სტრუქტურებში", - განაცხადა მაია ბითაძემ.

მისივე თქმით, „ქართული ოცნების" პრიორიტეტი და წინასაარჩევნო დაპირება იყო, რომ ევროკავშირის წევრობაზე განაცხადს შეიტანდა.

„დღეს ჩვენ გვაბრალებენ, რომ რაღაცას ისე არ ვაკეთებთ, რაც საჭიროა. სულ მიჩნდება კითხვა - თქვენ უკეთესად რას გააკეთებდით? ან რატომ არ იღებთ მონაწილეობას იმ კანონპროექტების შემუშავებაში, რომელიც ზუსტად პოლიტიკას განსაზღვრავს სხვადასხვა თემატური მიმართულებით და ეს პოლიტიკა ეფუძნება ერთ მიზანს - გავერთიანდეთ იქ სადაც ჩვენი ადგილია", - განაცხადა მაია ბითაძემ.

მანვე ოპოზიციას მიმართა და განაცხადა, რომ როდესაც საჭირო იყო ოპოზიცია საქართველოს გვერდით არ დადგა.

„ძალიან სამწუხაროა, რომ ჩვენ ერთად არ ვიმუშავეთ ბევრ ისეთ საკითხზე, რომელიც აუცილებელია იმისთვის, რომ ჩვენ მეზობლებს, საერთაშორისო ორგანიზაციებს დავანახოთ, რომ ერთად ვდგავართ და გვსურს, საქართველო გავაერთიანოთ ევროატლანტიკურ სტრუქტურებში", - განაცხადა მაია ბითაძემ.

ინფორმაციას პარლამენტის პრესსამსახური ავრცელებს.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო