დიდი ბრიტანეთის პრემიერ-მინისტრმა რიში სუნაკმა თავდაცვის მინისტრს ბენ უოლესს დაავალა, გაარკვიოს რომელი თვითმფრინავების გადაცემა შეიძლება უკრაინისთვის.

ინფორმაციას ამის შესახებ Sky News-ი დიდი ბრიტანეთის პრემიერ-მინისტრის სპიკერზე დაყრდნობით ავრცელებს.

სუნაკის სპიკერმა განაცხადა, რომ ეს “გრძელვადიანი გადაწყვეტილებაა” და კიევი ამჟამად ყველაზე მეტად “მოკლევადიან შესაძლებლობებს” საჭიროებს.

ცნობისთვის, აქამდე სუნაკმა უკრაინელი პილოტების მომზადების გეგმების შესახებ განაცხადა, რათა დროთა განმავლობაში მათ ნატოს სტანდარტების თვითმფრინავების პილოტირება შეძლონ.

“აშკარაა, რომ ამის რაც შეიძლება სწრაფად დაწყება გვსურს. ვფიქრობ, რომ ვცდილობთ ყველაფერი შესაძლებელი გავაკეთოთ, რათა ამ პილოტების მომზადება რაც შეიძლება სწრაფად მოხდეს, მაგრამ ეს რთული სამხედრო ტექნიკაა… და, როგორც თქვენ იცით, ბრიტანელი პილოტების მომზადების ახლანდელი პერიოდი დაახლოებით ხუთ წელიწადს შეადგენს”, - აღნიშნა დიდი ბრიტანეთის პრემიერ-მინისტრის სპიკერმა.