NASA - 11 თებერვალს დედამიწას ასტეროიდი ჩაუვლის
11 თებერვალს, ასტეროიდი, რომლის დიამეტრი, დაახლოებით, 49 მეტრია, დედამიწას ჩაუვლის. ამის შესახებ NASA-ს რეაქტიული მოძრაობის ლაბორატორია იტყობინება.
ასტეროიდი 2023 BC8, რომელიც სამგზავრო თვითმფრინავის ზომისაა, დედამიწას ყველაზე ახლოს, 11 თებერვალს, 5 930 000 კმ მანძილზე მიუახლოვდება. ასტეროიდის სიჩქარე საათში 50400 კმ-ია.
სპეციალისტების განმარტებით, ეს ასტეროიდი არ არის „პოტენციურად საშიში“, რადგან მისი სიგრძე არ აღემატება 150 მეტრს, თუმცა მაქსიმალური მანძილი დედამიწიდან 7,5 მილიონ კილომეტრზე ნაკლები იქნება. იმისათვის, რომ განისაზღვროს როგორც „პოტენციურად საშიში“, ის ერთდროულად უნდა აკმაყოფილებდეს ორივე პარამეტრს.
27 იანვრის ღამეს, ასტეროიდმა 2023 BU დედამიწას ჩაუარა. მისი მინიმალური მანძილი ჩვენს პლანეტამდე მხოლოდ 3600 კმ იყო.
