ელჩის განცხადებით, თურქეთში საქართველოს 2 მოქალაქის პოვნა ამ დრომდე ვერ ხერხდება

საქართველოს ელჩის, გიორგი ჯანჯღავას განცხადებით, თურქეთში მომხდარი მიწისძვრის შედეგად ჯერჯერობით, საქართველოს 3 მოქალაქის გარდაცვალების შესახებ დასტურდება ინფორმაცია. ამის შესახებ დიპლომატმა „პალიტრანიუსის“ გადაცემაში „360 გრადუსი“ ისაუბრა.

„სამწუხაროდ, კიდევ ერთი მოქალაქე დაგვეღუპა. ჩვენ ეს ინფორმაცია მივიღეთ ოჯახისგან, პირადად ვესაუბრე დაღუპულის დას. ჯერჯერობით 3 ადამიანია გარდაცვლილი. სამივე შემთხვევაში დასტური გვაქვს ოჯახებისგან“, - განაცხადა ელჩმა.

როგორც მან აღნიშნა, 2 მოქალაქის ადგილსამყოფელი ჯერჯერობით უცნობია და სამძებრო ღონისძიებები გრძელდება.

„გუშინ 6 პიროვნება იყო დაკარგული, 4 ვიპოვეთ. ორი უმძიმესი შემთხვევაა და ამ დრომდე აბსოლუტურად ვერაფერი გავიგეთ. როგორც თურქები და ქართველები გვეუბნებიან, სამძებრო ღონისძიება მიმდინარეობს“, - განაცხადა ჯანჯღავამ.

ელჩი ასევე განმარტავს, რომ ერთ-ერთი მოქალაქე დაკარგულად მიიჩნეოდა, თუმცა იპოვეს.

„რაც შეეხება დაკარგულ მოქალაქეებს, მეზღვაურია ქ. ქ. დაკარგულად იყო გამოცხადებული და ერთ-ერთ სასტუმროსთან მივაკვლიეთ, ის ცოცხალია და ჯანმრთელად არის“, - განაცხადა ჯანჯღავამ.

ამასთან, მისივე განმარტებით, არის ადამიანების მიწისძვრის ზონიდან გამოყვანის ძალიან დიდი პრობლემა, ვინაიდან, გზები ჩახერგილია და ადგილზე შესვლა მხოლოდ სამაშველო ბრიგადებს და ჰუმანიტარული მიზნით შეუძლიათ.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის