საქართველოს ტურიზმის ეროვნულმა ადმინისტრაციამ გერმანიაში, დრეზდენში MCE Central & Eastern Europe-ის ფორუმში მიიღო მონაწილეობა. ამის შესახებ ინფორმაციას ტურიზმის ეროვნული ადმინისტრაცია ავრცელებს.

მათი ცნობით, საქმიანი ტურიზმის მიმართულებით ევროპაში ერთ-ერთ უდიდეს ფორუმზე ადმინისტრაციის საკონვენციო და საგამოფენო ბიურო იყო წარმოდგენილი.

„ფორუმის ფარგლებში საქართველოს საქმიანი ტურისტული მიმართულების შესახებ პრეზენტაცია მოეწყო. საერთაშორისო კომპანიებთან, ბიზნეს ტურიზმის სფეროს წარმომადგენლებთან 30-ზე მეტი შეხვედრა გაიმართა.

MCE Central & Eastern Europe-ის ფორუმის მსვლელობისას საქართველოს ტურიზმის ეროვნული ადმინისტრაციის წარმომადგენლებმა ქვეყნის ტურისტული პოტენციალის შესახებ ინფორმაცია პოტენციურ პარტნიორებს გააცნეს: საფრანგეთის, დიდი ბრიტანეთის, გერმანიის, ბელგიის, ნიდერლანდების სამეფოს, აშშ-ს, სკანდინავიის ქვეყნების და სხვა მიზნობრივი ქვეყნების წარმომადგენლებს“,- ნათქვამია გავრცელებულ ინფორმაციაში.