საფრანგეთის პრეზიდენტმა, ემანუელ მაკრონმა უკრაინის პრეზიდენტი, ვოლოდიმირ ზელენსკი საფრანგეთის ღირსების უმაღლესი ორდენით, საპატიო ლეგიონის დიდი ჯვრის ორდენით დააჯილდოვა.

„პატივისცემა უკრაინას და მის ხალხს. პატივისცემა თქვენ, ძვირფასო ვოლოდიმირ, თქვენი გამბედაობისა და ერთგულებისთვის“, - დაწერა მაკრონმა „ტვიტერზე“.

„ეს ჩემთვის მეტისმეტია", - განაცხადა ზელენსკიმ დაჯილდოებისას და დასძინა, რომ სურდა ჯილდო უკრაინელი ხალხისათვის მიეძღვნა.

აღსანიშნავია, რომ საპატიო ლეგიონის დიდი ჯვრის ორდენი არის უმაღლესი ჯილდო, რომელიც საფრანგეთის პრეზიდენტს შეუძლია სხვა სახელმწიფოს მეთაურს გადასცეს.

შეგახსენებთ, ვოლოდიმირ ზელენსკი საფრანგეთში გაერთიანებული სამეფოდან გუშინ ჩავიდა და ქვეყნის პრეზიდენტს, ემანუელ მაკრონსა და გერმანიის კანცლერს, ოლაფ შოლცს შეხვდა.