უკრაინის პრეზიდენტი, ვოლოდიმირ ზელენსკი და საფრანგეთის პრეზიდენტი, ემანუელ მაკრონი ბრიუსელში მიემგზავრებიან, სადაც ევროკავშირის სამიტს დაესწრებიან.

მედიის ინფორმაციით, ლიდერები ბელგიის დედაქალაქში თვითმფრინავით ერთად მიფრინავენ.

ევროკავშირის სამიტი დღეს და ხვალ გაიმართება და მასზე უკრაინა-რუსეთის ომს, ეკონომიკისა და მიგრაციის საკითხებს განიხილავენ.

შეგახსენებთ, ვოლოდიმირ ზელენსკი ბრიუსელში გამგზავრებამდე ლონდონს და პარიზს ეწვია.