შალვა პაპუაშვილმა თურქეთის საელჩოში გახსნილ სამძიმრის წიგნში ჩანაწერი გააკეთა

პარლამენტის თავმჯდომარე შალვა პაპუაშვილი თურქეთის საელჩოში იმყოფებოდა. მან თურქეთის რესპუბლიკის საგანგებო და სრულუფლებიან ელჩს, ალი ქაან ორბაის მიუსამძიმრა და თურქეთში მომხდარი ტრაგედიის გამო გახსნილ სამძიმრის წიგნში საქართველოს პარლამენტის სახელით ჩანაწერი გააკეთა.

„ჩვენ თურქი ხალხის გვერდში ვდგავართ და ვართ მზად რომ დავეხმაროთ ამ მძიმე წუთებში. საქართველოს პარლამენტმა დაიწყო საქველმოქმედო აქცია. დავიწყეთ ჰუმანიტარული ტვირთის შეგროვება პარლამენტში და ხვალ თურქეთის საელჩოს ჩვენს მიერ შეგროვებულ ტვირთს მოვაწვდით, რომელიც შემდგომ თურქეთში გაიგზავნება. გარდა ამისა, ჩვენი მაშველები უკვე თურქეთში არიან და მონაწილეობენ მიწისძვრის შედეგად დამდგარი ზიანის აღმოფხვრაში. საქართველო, როდესაც მას უჭირდა, ყოველთვის გრძნობდა თურქეთის დახმარებას. ჩვენი მეგობრობის ნაწილია, რომ გვერდში დავუდგეთ თურქ მეგობრებს“, - განაცხადა შალვა პაპუაშვილმა.

პარლამენტის თავმჯდომარესთან ერთად, თურქეთის ელჩს მომხდარი ტრაგედიის გამო თანაგრძნობა გამოუცხადა თურქეთის რესპუბლიკის პარლამენტთან მეგობრობის ჯგუფის ხელმძღვანელმა ბექა ოდიშარიამ.

„თურქი ხალხი არის ჩვენი მეგობარი და მოძმე ერი. უახლოესი 30 წლის განმავლობაში არ ყოფილა გამოწვევა საქართველოსთვის, როცა თურქი ხალხი და მისი ხელისუფლება არ გვედგა გვერდით. ჩვენ ეს გვახსოვს და ძალიან ვაფასებთ. ამიტომ თავს ვალდებულად ვთვლით ყველაფერი გავაკეთოთ რაც ძალგვიძს იმისათვის, რომ ამ ადამიანებს შევუმსუბუქოთ ეს წარმოუდგენელი ტრაგედია“,-განაცხადა ბექა ოდიშარიამ.

ინფორმაციას პარლამენტი ავრცელებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024