ირაკლი კობახიძის განცხადებით, თუკი საზოგადოებრივი მოძრაობა „ხალხის ძალა“ პარლამენტში პოლიტიკურ ჯგუფს შექმნის, ისინი უმრავლესობაში მაინც დარჩებიან
„ქართული ოცნების“ თავმჯდომარის, ირაკლი კობახიძის განცხადებით, თუკი საზოგადოებრივი მოძრაობა „ხალხის ძალა“ პარლამენტში პოლიტიკურ ჯგუფს შექმნის, ისინი უმრავლესობაში მაინც დარჩებიან.
როგორც კობახიძე განმარტავს, პოლიტიკური ჯგუფის შექმნას „უმრავლესობის დაშლა- არ დაშლასთან“ კავშირი არ აქვს.
მისივე თქმით, საკითხზე „ხალხის ძალასთან“ კონსულტაციები კვლავ გრძელდება და განმარტავს, რომ რეგლამენტში ცვლილების გარეშე პოლიტიკური ჯგუფი ვერ შეიქმნება.
„მე ვიცი, რომ მათ აქვთ ინტერესი, პარლამენტში პოლიტიკური ჯგუფი შექმნან. უმრავლესობა ყველა შემთხვევაში უმრავლესობად რჩება. პოლიტიკური ჯგუფის შექმნა არაფერ შუაში არაა უმრავლესობის დაშლა- არ დაშლასთან. საერთოდ კავშირი არ აქვს. პოლიტიკური ჯგუფი ნიშნავს უბრალოდ იმას, რომ ის დეპუტატები, რომლებიც არიან უმრავლესობაში, ყალიბდებიან როგორც პოლიტიკური ჯგუფი, მაგრამ უმრავლესობის შიგნითაც შეიძლება ეს მოხდეს,“ - განაცხადა კობახიძემ.
