რევაზ სოხაძე - ავარიული სახლების ჩანაცვლების დადგენილებაში არც ერთი სიტყვა საკუთრების უფლებას არ ხელყოფს

თბილისის ურბანული დაგეგმარების და საქალაქო მეურნეობის კომისიის თავმჯდომარე რევაზ სოხაძე აცხადებს, რომ არც ერთი სიტყვა „თბილისის მუნიციპალიტეტის ტერიტორიაზე ავარიული მრავალბინიანი საცხოვრებელი სახლების ჩანაცვლების წესის დამტკიცების შესახებ“ დადგენილებაში არ ხელყოფს საკუთრების უფლებას.

რევაზ სოხაძემ „მშენებლობით დაზარალებულთა ასოციაციის“ იურისტების ბრალდებების საპასუხოდ განაცხადა, რომ საკუთრების უფლების ხელყოფა წარმოუდგენელია, რადგან აღნიშნული უფლება საქართველოს კონსტიტუციით არის დაცული.

„ამ საკითხთან დაკავშირებით ატეხილი აჟიოტაჟი გაუგებარია. ბოლო დღეების განმავლობაში ძალიან ბევრჯერ გაკეთდა განმარტება ჩვენი მხრიდან, მათ შორის ეს საკითხი დედაქალაქის მერმა მთავრობის სხდომაზე განმარტა.

არც ერთი სიტყვა ამ დადგენილებაში არ ხელყოფს საკუთრების უფლებას. მეტიც, ეს წარმოუდგენელია, რადგან ეს უფლება საქართველოს კონსტიტუციით არის დაცული“,- აცხადებს რევაზ სოხაძე.

საკრებულოს წევრის განმარტებით, დადგენილებაში ნათქვამია, რომ უნდა არსებობდეს კონკრეტული პროექტი, ადგილი, ინიციატივა მოსახლეობის მხრიდან რომ მათ სურთ ჩანაცვლების პროგრამაში მონაწილეობა.

„მაგრამ რადგან მშენებლობის და პროექტირების პროცესი არ დაიწყება მოსახლეობის საკუთრებში არსებულ მიწის ნაკვეთებზე, არამედ დაიწყება მუნიციპალიტეტის საკუთრებაში არსებულ ნაკვეთზე, ამ პროცესის დაწყებისთვის არ იყოს საჭირო ასპროცენტიანი თანხმობა. ეს არ ნიშნავს იმას, რომ საბოლოო ჯამში, ჩანაცვლების პროექტის კონკრეტულად ამ მისამართზე განხორციელებისთვის მოსახლეობის ასპროცენტიანი თანხმობა საჭირო არ იქნება. თუ მოსახლეობა არ იქნება თანახმა, რა თქმა უნდა, ეს პროექტი არ განხორციელდება“, - აცხადებს რევაზ სოხაძე.

ინფორმაციას თბილისის საკრებულო ავრცელებს.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის