იაგო ხვიჩია - შოუში ვართ, „სანტა-ბარბარა“ არის ფინალისკენ - უნდა ვფიქრობდეთ, როგორ დავასრულოთ სცენარი ისე, რომ მაყურებელმა, რომელიც 10 წელია რაღაც უკეთესს ელოდება, გინება არ დაიწყოს ბოლოს
ჩვენ თუ მიხვედრა გვინდა, შოუში ვართ - „სანტა - ბარბარა" არის ფინალისკენ - უნდა ვფიქრობდეთ, როგორ დავასრულოთ სცენარი ისე, რომ მაყურებელმა, რომელიც 10 წელია რაღაც უკეთესს ელოდება, გინება არ დაიწყოს ბოლოს, - ამის შესახებ ჟურნალისტებთან "გირჩის" დეპუტატმა იაგო ხვიჩიამ განაცხადა.
მისი თქმით, ამ შოუში ძირითადმა პერსონაჟებმა საკუთარი თავი ამოწურეს და ახალი სცენარის განვითარება ხდება.
„არარსებულ ამბავზე, რომელსაც სერიოზულად არავინ უყურებს, დილიდან ვაკეთებთ კომენტარებს, რატომ ხდება ეს? "ნაცები" საუბრობენ "მაგნიტსკის სიაზე", პრეზიდენტი და ეკლესია საუბრობდა მონანიებაზე, კობახიძე ამბობს, საერთოდ რაც გინდა ის ქნას, მაინც არაფერი შეიცვლებაო. მე მაინც მონანიებას ვაწვები, უფრო საინტერესო იქნებოდა ეს ამბავი თეატრალური თვალსაზრისით ყველაფერს რომ თავი დავანებოთ, ამიტომ არ იყო კობახიძისგან საჭირო ასე სწრაფად უარყოფა ამის, გვეცლია, იქნებ, ინანიებდა. შოუში ვართ, ჩვენ თუ მიხვედრა გვინდა, ახლა ვართ იქ, თუ საპნის ოპერის რომელი გაგრძელება იყოს, იმიტომ, რომ ეს „სანტა - ბარბარა“ არის ფინალისკენ, ძირითადმა პერსონაჟებმა საკუთარი თავი ამოწურეს, ახლა ახალი სიუჟეტის განვითარება გვინდა - ამნისტიის კანონი და ა.შ. მე მაინც მგონია, რომ ეს მილევად რეჟიმში არსებული სიტუაციაა მილევად რეჟიმში არსებულ პარტიასთან ერთად და უნდა ვფიქრობდეთ, როგორ დავასრულოთ სცენარი ისე, რომ მაყურებელმა გინება არ დაიწყოს ბოლოს, რომელიც 10 წელია რაღაც უკეთესს ელოდება,"- განაცხადა ხვიჩიამ.
