ფინანსთა სამინისტროს შემოსავლების სამსახური კონკრეტული მედიასაშუალებების მიერ გავრცელებულ ინფორმაციას ეხმაურება და ტელეკომპანიებს მოუწოდებს ყალბი, დაუსაბუთებელი მასალის გავრცელებისგან თავი შეიკავონ

ფინანსთა სამინისტროს შემოსავლების სამსახური აცხადებს, რომ ტელეკომპანია „მთავარი არხისა“ და „ფორმულას“ მიერ გავრცელებულ კადრებში იდენტიფიცირებული არც ერთი პირი არ წარმოადგენს საბაჟო დეპარტამენტს და ტელეკომპანიებს მოუწოდებს თავი შეიკავონ ყალბი, დაუსაბუთებელი მასალის გავრცელებისგან.

ფინანსთა სამინისტროს შემოსავლების სამსახურის ცნობით, საქმე ეხება ინფორმაციას, სადაც მტკიცებით ფორმაში არის დადანაშაულებული საბაჟო დეპარტამენტის წარმომადგენელი ხანძრის მიზანმიმართულ გაჩენაში.

„უწყება, სრული პასუხისმგებლობით, კატეგორიულად აცხადებს, რომ ტელეკომპანიების მიერ გავრცელებულ კადრებში იდენტიფიცირებული არც ერთი პირი არ წარმოადგენს საბაჟო დეპარტამენტს. ამასთან, განვმარტავთ, რომ გადაცემაში აღნიშნული საბაჟო საწყობი „ზაჰესი 2007“ წარმოადგენს კერძო საბაჟო ტერმინალს და მისი ფუნქციონირება სრულად, რეგულირდება საქართველოს მთავრობის 455 დადგენილების შესაბამისად. აღნიშნული რეგულაციის ფარგლებში, 2023 წლის 8 თებერვალს დილის 11 საათზე, საბაჟო დეპარტამენტის მებაჟე ოფიცრის მიერ, საბაჟო საწყობისა და საბაჟო საწყობში არსებული საქონლის მფლობელის წარმომადგენლების თანდასწრებით, გაიხსნა აღნიშნული სათავსო. დღის განმავლობაში, მეწარმე სუბიექტების მიერ, განხორციელდა მათ მფლობელობაში არსებული საქონლის დათვლა/აღწერის პროცედურა და სამუშაო პროცესის დასრულების შემდეგ (დაახლოებით, 17 საათზე), საბაჟო საწყობისა და საბაჟო საწყობში არსებული საქონლის მფლობელის წარმომადგენლების თანდასწრებით, მებაჟე ოფიცერმა მოახდინა საწყობის სათავსოს დალუქვა და შესაბამისი აქტის შედგენა. აღნიშნულ დოკუმენტს ხელს აწერს, როგორც მებაჟე ოფიცერი, ასევე საბაჟო საწყობისა და საწყობში არსებული საქონლის მფლობელის წარმომადგენელი. აქვე გაცნობებთ, რომ ობიექტზე უზრუნველყოფილია მუდმივი (უწყვეტი) ვიდეოკონტროლი.

შემოსავლების სამსახური, კიდევ ერთხელ ხაზგასმით განმარტავს, რომ კანონმდებლობით მისთვის მინიჭებული უფლებამოსილების ფარგლებში (საქართველოს მასშტაბით, საბაჟო კონტროლის ზონებში) ახორციელებს საბაჟო ზედამხედველობას დაქვემდებარებული საქონლის საბაჟო საწყობის პროცედურაში მოქცევის კონტროლს. აღსანიშნავია, რომ საბაჟო ორგანო, საქონლის მიმართ, ზედამხედველობასა და კონტროლს ახორციელებს მხოლოდ საბაჟო საწყობის და საბაჟო საწყობში არსებული საქონლის წარმომადგენლების თანდასწრებით. ამ დროისთვის, საქართველოს შინაგან საქმეთა სამინისტროს მიერ, დაწყებულია გამოძიება ხანძრის გამომწვევ მიზეზებთან დაკავშირებით, დაველოდოთ საგამოძიებო მოქმედებების დასრულებას და საზოგადოება მიიღებს ამომწურავ პასუხს მომხდარ ფაქტთან დაკავშირებით.

ფინანსთა სამინისტროს შემოსავლების სამსახური კიდევ ერთხელ მოუწოდებს მედიასაშუალებებს, თავი შეიკავონ ყალბი, დაუსაბუთებელი მასალის გავრცელებისგან, რომელიც ემსახურება უწყების მიზანმიმართულ დისკრედიტაციას და საზოგადოების ინფორმირებისთვის მომზადებული ინფორმაცია გადაამოწმონ/დააზუსტონ შესაბამის სამსახურებთან“, - ნათქვამია ფინანსთა სამინისტროს შემოსავლების სამსახურის მიერ გავრცელებულ ინფორმაციაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის