ჩვენ თურქეთის გვერდით ვართ და ვიქნებით ყოველთვის. მშვიდობას ვუსურვებ მათ,- ამის შესახებ რეგიონული განვითარებისა და ინფრასტრუქტურის მინისტრმა ირაკლი ქარსელაძემ საქართველოში თურქეთის რესპუბლიკის საელჩოში განაცხადა.

მინისტრმა მომხდარი ტრაგედიის გამო თურქეთის რესპუბლიკას თანაგრძნობა გამოუცხადა.

„შეუძლებელია სიტყვით გადმოსცე ის ტკივილი, რაც ჩვენ მოძმე თურქეთს ამჟამად აქვს. ვუსამძიმრებთ მათ ამ დიდ ტრაგედიას. ვუსურვებთ, რომ მეტი ადამიანის გადარჩენა მოხერხდეს, იმ მოქმედებების შედეგად, რაც ამჟამად ხორციელდება. ჩვენი მაშველები მოწინავე ფლანგზე არიან. როგორც ელჩმა მითხრა, ორი ადამიანის სიცოცხლის გადარჩენა უკვე შეძლეს. ეს ის შემთხვევაა, როცა ყველა ერთი ვართ, ყველა მაშველი ერთია. ჩვენ თურქეთის გვერდით ვართ და ვიქნებით ყოველთვის. მშვიდობას ვუსურვებ მათ. პრემიერ-მინისტრ ირაკლი ღარიბაშვილის გადაწყვეტილებით, ოპერატიულად ხდება საჭიროებებზე მყისიერი პასუხი. ასეთ შემთხვევაში, სხვანაირად შეუძლებელია ხდებოდეს”,- განაცხადა ქარსელაძემ.