პარლამენტმა საფინანსო-საბიუჯეტო კომიტეტის 2022 წლის საქმიანობის ანგარიში მოისმინა

გასულ წელს საფინანსო-საბიუჯეტო კომიტეტზე განვიხილეთ პარლამენტში შემოსული საკითხების თითქმის 50%, - ამის შესახებ პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძემ სესიაზე განაცხადა, სადაც კომიტეტის მიერ 2022 წელს გაწეული საქმიანობის ანგარიში მოისმინეს.

ირაკლი კოვზანაძის განცხადებით, კომიტეტმა 2022 წლის განმავლობაში 37 სხდომა ჩაატარა, რომელზეც 350 საკითხი განიხილეს, მათ შორის, 263 კანონპროექტი. ასევე, განხილულ იქნა პარლამენტისადმი ანგარიშვალდებული ორგანოების 12 ანგარიში, სახელმწიფო აუდიტის სამსახურის მიერ წარმოდგენილი 30 ანგარიში და 25 საერთაშორისო ხელშეკრულება, შეთანხმება და კონვენცია.

„გასულ წელს სამი საბიუჯეტო პროცესი გვქონდა: პირველი დაგეგმილი - 2023 წლის ბიუჯეტის განხილვა და დამტკიცება, ხოლო ორჯერ განხორციელდა ცვლილებები 2022 წლის სახელმწიფო ბიუჯეტში, ჯამში 7 ჯერ შემოვიდა ბიუჯეტის პროექტი“-განაცხადა ირაკლი კოვზანაძემ. ასევე, მისი თქმით, კომიტეტის მიერ გაწეული საქმიანობის შედეგები აისახა საერთაშორისო შეფასებებში:

„ღია ბიუჯეტის ინდექსი 2021 - საქართველოს პარლამენტისა და მთავრობის ერთობლივი ძალისხმევის შედეგად საქართველომ დაიკავა პირველი ადგილი მსოფლიოს 120 ქვეყანას შორის. საქართველო პირველ ადგილზეა საპარლამენტო საბიუჯეტო პროცესში მოქალაქეთა ჩართულობის მხრივაც; საქართველომ ასევე პირველი ადგილი დაიკავა სახელმწიფო ხარჯების და ფინანსური ანგარიშვალდებულების 2022 წლის შეფასების (PEFA) მიხედვით.“-განაცხადა ირაკლი კოვზანაძემ საპარლამენტო ტრიბუნიდან.

ინფორმაციას პარლამენტი ავრცელებს.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის