პარტია „ლელოს“ თავმჯდომარე მამუკა ხაზარაძე აცხადებს, რომ „ქართული ოცნების“ თავმჯდომარის, ირაკლი კობახიძის მსგავსი „კოლაბორაციონისტები მტერთან შეურიგებელი ერის იდეას, ძირს უთხრიან“.

ხაზარაძე ეხმაურება მმართველი პარტიის თავმჯდომარის განცხადებას, რომლის თანახმად, ომში „უპირატესობა ამ ეტაპზე აქვს რუსულ მხარეს“.

„კობახიძისნაირი კოლაბორაციონისტები სახელმწიფოებრიობის, თავისუფლებისა და ქართველობის, როგორც მტერთან შეურიგებელი ერის იდეას, ძირს უთხრიან!“,- წერს ხაზარაძე სოციალურ ქსელ “ფეისბუქზე“.

ცნობისთვის, „ქართული ოცნების“ თავმჯდომარე ირაკლი კობახიძემ განაცხადა, რომ ბოლო 1-2 კვირის განმავლობაში უკრაინულ მხარეს არცერთი დასახლება არ აუღია, რუსულმა მხარემ მინიმუმ ბოლო 1 კვირაში 10-მდე დასახლება აიღო, რაც აჩვენებს, რომ უპირატესობა ამ ეტაპზე აქვს რუსულ მხარეს.