მამუკა ხაზარაძე - სიამოვნებით ჩავერთე პროექტში, რომელიც საქართველოს სხვადასხვა რეგიონში ფოლკლორული ნიმუშების მოძიებას, ჩაწერას, დამუშავებასა თუ აღდგენას გულისხმობს
პარტია „ლელოს“ ერთ-ერთი ლიდერის, მამუკა ხაზარაძის ცნობით, მომღერალ გიორგი უშიკიშვილთან ერთად ჩაერთო პროექტში, რომელიც საქართველოს სხვადასხვა რეგიონში ფოლკლორული ნიმუშების მოძიებას, ჩაწერას, დამუშავებასა თუ აღდგენას გულისხმობს.
როგორც ის „ფეისბუქის“ პირად გვერდზე წერს, ქართული ფოლკლორული მუსიკის პოპულარიზაცია და სხვადასხვა საშუალებით საზოგადოებამდე მიტანა უმნიშვნელოვანესი ამოცანაა.
„მივიწყებული ქართული ხალხური სიმღერის ჩვენი ქვეყნის სხვადასხვა კუთხეში მოძიებას და გაცოცხლებას, ისევ ძველი ხმოვანების დაბრუნებას დიდი ხანია ცდილობს გიორგი უშიკიშვილი.
ქართული ფოლკლორული მუსიკის პოპულარიზაცია და სხვადასხვა საშუალებით საზოგადოებამდე მიტანა, მგონია, რომ უმნიშვნელოვანესი ამოცანაა. ზუსტად ამ საქმეში "დავმეგობრდით".
სიამოვნებით ჩავერთე პროექტში, რომელიც საქართველოს სხვადასხვა რეგიონში ფოლკლორული ნიმუშების მოძიებას, ჩაწერას, დამუშავებასა თუ აღდგენას გულისხმობს. წარმატებები გიორგი უშიკიშვილს ამ მართლაც ეროვნულ საქმეში“,-წერს ხაზარაძე სოციალურ ქსელში.
