ინფრასტრუქტურის სამინისტრო არ ადასტურებს ინფორმაციას, რომ ქვეშეთი-კობის გვირაბის მშენებლობისას გვირაბში მხუთავი გაზი დაგროვდა, რამაც რამდენიმე მუშის გარდაცვალება და დაშავება გამოიწვია

საქართველოს რეგიონული განვითარებისა და ინფრასტრუქტურის სამინისტრო არ ადასტურებს გავრცელებულ ინფორმაციას, „თითქოს ქვეშეთი-კობის გვირაბის მშენებლობისას გვირაბში დაგროვდა მხუთავი გაზი, რამაც რამდენიმე მუშის გარდაცვალება და დაშავება გამოიწვია“.

ამის შესახებ უწყება განცხადებას ავრცელებს, სადაც განმარტავს, რომ კომპეტენტურ ორგანოებს გავრცელებულ ინფორმაციაში მითითებული გარემოებების შესწავლის მიზნით დაუყოვნებლივ მიმართავენ.

„გვსურს გამოვეხმაუროთ საინფორმაციო სააგენტო „მთის ამბების“ მიერ გავრცელებულ ინფორმაციას იმის თაობაზე, თითქოს ქვეშეთი-კობის გვირაბის მშენებლობისას გვირაბში დაგროვდა მხუთავი გაზი, რამაც რამდენიმე მუშის გარდაცვალება და დაშავება გამოიწვია.

როგორც საინფორმაციო სააგენტო „მთის ამბებს“ უკვე განვუმარტეთ, მსგავსი ფაქტის შესახებ რეგიონული განვითარებისა და ინფრასტრუქტურის სამინისტრო ინფორმაციას არ ფლობს და შესაბამისად, არ ადასტურებს.

ამასთან, გავრცელებული ინფორმაციის სიმძიმის გათვალისწინებით, დაუყოვნებლივ მივმართავთ კომპეტენტურ ორგანოებს, სტატიაში მითითებული გარემოებების შესწავლის მიზნით“, - აცხადებენ სამინისტროში.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია