თურქეთში, ჰათაის პროვინციაში მომხდარი ძლიერი მიწისძვრიდან 90 საათის შემდეგ, მაშველებმა ნანგრევებიდან დედა და 10 დღის ჩვილი, ამოიყვანეს.

კადრებში ჩანს, რომ თერმულ საბანში გახვეული ჩვილი სასწრაფო დახმარების მანქანაშია მოთავსებული.

ამასთან, დღეს გამთენიისას, ქალაქ გაზიანთეფში, მიწისძვრის ეპიცენტრთან ახლოს, მაშველებმა 17 წლის ბიჭი, ადნან მუჰამედ კორკუტი სარდაფიდან გამოიყვანეს, სადაც მიწისძვრის შემდეგ იყო ჩარჩენილი. 94 საათის განმავლობაში ნანგრევებში მოყოლილმა ბიჭმა განაცხადა, რომ წყურვილის მოსაკლავად იძულებული იყო საკუთარი შარდი დაელია. „ამ გზით მე გადარჩენა შევძელი“, - აღნიშნა მოზარდმა.