მუნიციპალური განვითარების ფონდი 13 თებერვალს პროკურატურის ახალი შენობის პროექტთან და გამოსაცხადებელ ტენდერთან დაკავშირებით ღია კარის დღეს გამართავს
საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი 13 თებერვალს პროკურატურის ახალი შენობის პროექტთან და გამოსაცხადებელ ტენდერთან დაკავშირებით ღია კარის დღეს გამართავს.
როგორც რეგიონული განვითარების სამინისტროს მიერ გავრცელებულ ინფორმაციაშია ნათქვამი, ფონდმა საპროექტო სამუშაოებზე მუშაობა დაასრულა და სამშენებლო ტენდერის გამოცხადებას გეგმავს.
„ღია კარის დღისა და შეხვედრის მიზანია უფრო მეტად გამჭვირვალე და ეფექტიანი გახდეს პროექტისა და გამოსაცხადებელი ტენდერის პროცედურები. დაინტერესებულ კომპანიებს შესაძლებლობა ექნებათ ტენდერის გამოცხადებამდე გაეცნონ პროექტის დეტალებს და შესაბამისად, უფრო უკეთ მოემზადონ მისთვის. კომპანიების აქტიური ჩართულობა უზრუნველყოფს მეტ კონკურენციას, რაც მნიშვნელოვანია პროექტის ეფექტიანი განხორციელებისთვის“, - ნათქვამია ინფორმაციაში.
