პროკურატურამ ყალბი ქონებრივი უფლებამოსილების დამადასტურებელი დოკუმენტის დამზადების, გამოყენების და უკანონო შემოსავლის ლეგალიზაციის ფაქტებზე ერთ პირს ბრალდება წარუდგინა

საქართველოს პროკურატურამ ყალბი ქონებრივი უფლებამოსილების დამადასტურებელი დოკუმენტის დამზადების, გამოყენების და უკანონო შემოსავლის ლეგალიზაციის ფაქტებზე ერთ პირს ბრალდება წარუდგინა. ინფორმაციას პროკურატურა ავრცელებს.

უწყების ცნობით, ფინანსთა სამინისტროს საგამოძიებო სამსახურის მიერ ჩატარებული გამოძიებით დადგინდა, რომ ბრალდებულმა გაზრდილი ფასების შემცველი ყალბი ნასყიდობის ხელშეკრულებებით, მისივე კუთვნილი კომპანია - სს „მეტრო ავრასია ინვესთმენთ ჯორჯია“-დან თანხების უკანონოდ მიღება და კომპანიის აქციების საემისიო ღირებულების სხვაობის ანაზღაურება განიზრახა.

„აღნიშნული მიზნით, ბრალდებულმა ყალბი ნასყიდობის ხელშეკრულება დაამზადა - 9 472 343 ლარის ღირებულების შპს „ჟასმინის“ 100% წილის თითქოსდა 42 000 000 ლარად შეძენის თაობაზე. მოგვიანებით, 9 416 552 ლარად ღირებული, ხსენებული კომპანიის 100% აქცია, 82 217 700 ლარად მიჰყიდა მის კუთვნილ კომპანიას, საიდანაც 2022 წლის აპრილსა და მაისში 33 030 612 ლარი უკანონოდ მიიღო.

ბრალდებულმა აღნიშნული თანხა სს „მეტრო ავრასია ინვესთმენთ ჯორჯიას“ აქციების საემისიო ღირებულების სხვაობის და მისგან წარმოშობილი საპროცენტო სარგებელის დავალიანების დაფარვის მიზნით, იმავე პერიოდში კომპანიის საბანკო ანგარიშზე დააბრუნა, რითაც შენიღბა და კანონიერი სახე მისცა განსაკუთრებით დიდი ოდენობით შემოსავალს.

დანაშაულის ჩამდენ პირს ბრალდება სსკ-ის 210-ე მუხლის პირველი ნაწილით (ქონებრივი უფლებამოსილების დამადასტურებელი ყალბი დოკუმენტის დამზადება და გამოყენება) და 194-ე მუხლის მე-3 ნაწილის „ბ“ ქვეპუნქტით (უკანონო შემოსავლის ლეგალიზაცია (ფულის გათეთრება), რასაც თან ახლდა განსაკუთრებით დიდი ოდენობით შემოსავლის მიღება) წარედგინა, რაც სასჯელის სახედ და ზომად ცხრიდან თორმეტ წლამდე თავისუფლების აღკვეთას ითვალისწინებს.

აღნიშნულ სისხლის სამართლის საქმეზე გამოძიება გრძელდება.

საზოგადოებას შევახსენებთ, რომ ბრალდებულს ასევე წარდგენილი აქვს ბრალდება დიდი ოდენობით ფსიქოტროპული ნივთიერების და განსაკუთრებით დიდი ოდენობით ნარკოტიკული საშუალების უკანონო შეძენის და შენახვის ფაქტებზე, რაც სასჯელის სახედ და ზომად რვიდან ოც წლამდე ან უვადო თავისუფლების აღკვეთას ითვალისწინებს. აღნიშნული ბრალდების სისხლის სამართლის საქმეზე სასამართლოში არსებითი განხილვა მიმდინარეობს,“ - აღნიშნულია გავრცელებულ ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია