პოლონეთი საქართველოს მთავრობას ყოფილი პრეზიდენტის მიხეილ სააკაშვილის პოლონეთში სამკურნალოდ გადაყვანას სთავაზობს. ამის შესახებ პოლონეთის პრემიერ-მინისტრმა მატეუშ მორავეცკიმ განაცხადა.
ვარშავა შესაბამისი წინადადების თბილისში გაგზავნას გეგმავს.
„პოლონეთმა დააინიცირა და ამ თემაზე ბევრ პრემიერ-მინისტრთან მისაუბრია, საქართველოს მთავრობისადმი წინადადებები, რომ მიხეილ სააკაშვილმა, საქართველოს ყოფილმა პრეზიდენტმა, პოლონეთში შეძლოს მკურნალობა. ვშიშობთ, რომ საქართველოში მას ყველაფერი ცუდი შეიძლება დაემართოს”, - განაცხადა მორავეცკიმ.
ამავდროულად, პოლონეთის პრემიერ-მინისტრმა აღნიშნა, რომ საქართველომ სერიოზულად უნდა მიიღოს ეს მიმართვა, თუ ევროპულ მისწრაფებებზე დადებითი პასუხის მიღება სურს.
„საქართველოს თუ სურს მის ევროპულ მისწრაფებებზე დადებითი პასუხის იმედი ჰქონდეს, მან ასევე სერიოზულად უნდა მიიღოს ეს მიმართვა, რომელიც უკვე ფორმულირებულია [ევროკავშირის] საბჭოს საგარეო სამსახურების მიერ”, - აღნიშნა მორავეცკიმ.