საქართველოს ტექნიკური უნივერსიტეტის კანცლერმა, პროფესორმა კარლო კოპალიანმა, უნივერსიტეტის ადმინისტრაციის წარმომადგენლებთან ერთად, დღეს, თურქეთის საელჩოში გახსნილი სამძიმრის წიგნში ჩანაწერი გააკეთა. ამის შესახებ ინფორმაციას საქართველოს ტექნიკური უნივერსიტეტი ავრცელებს.

მათივე ცნობით, სტუ-ის კანცლერმა, უნივერსიტეტის რექტორის, პროფესორ დავით გურგენიძის, პროფესორ-მასწავლებლებისა და სტუდენტების სახელით, საქართველოში თურქეთის რესპუბლიკის საგანგებო და სრულუფლებიან ელჩს, მის აღმატებულება ალი ქაან ორბაის კაჰრამანმარაშის პროვინციაში, 10 ოქტომბერს, დამანგრეველი მიწისძვრის შედეგად დატრიალებული ტრაგედიის გამო, პირადად მიუსამძიმრა.

„საქართველოს ტექნიკური უნივერსიტეტის სახელით, ღრმა გულისტკივილს გამოვთქვამთ დამანგრეველი მიწისძვრით გამოწვეული იმ შეუქცევადი პროცესებისა და თანმდევი უმძიმესი ტრაგედიის გამო, რაც ჩვენს მეგობარ თურქეთს და თურქ ხალხს დაატყდა თავს. ამ მძიმე წუთებში სამძიმარს ვუცხადებთ გარდაცვლილთა ოჯახებს, ჩვენს თურქ კოლეგებს და გამოჯანმრთელებას ვუსურვებთ სტიქიის შედეგად დაშავებულ ყველა ადამიანს“, - აღნიშნულია სტუ-ის კანცლერის, პროფესორ კარლო კოპალიანის სამგლოვიარო ჩანაწერში.