კობა გვენეტაძე - გრძელვადიან პერსპექტივაში მკაცრი მონეტარული პოლიტიკა ყველაზე ნაკლებად ხარჯიანი ალტერნატივაა

საქართველოს ეროვნული ბანკის პრეზიდენტმა, კობა გვენეტაძემ საერთაშორისო სავალუტო ფონდისა და მსოფლიო ბანკის ბელგია-ნიდერლანდების ჯგუფში შემავალი ქვეყნების მაღალი რანგის კონფერენციაში მიიღო მონაწილეობა. ამის შესახებ ინფორმაციას ეროვნული ბანკი ავრცელებს.

მათივე ცნობით, ღონისძიებაზე, რომელიც 2014 წლიდან ყოველწლიურად ბელგიის ეროვნული ბანკისა და ნიდერლანდის ბანკის ორგანიზებით იმართება, ყურადღება მსოფლიოში არსებულ გეოპოლიტიკური დაძაბულობის ფონზე მიმდინარე მაკროეკონომიკურ გამოწვევებს, მაღალ ინფლაციას და მზარდი ფინანსური უთანასწორობის თემების განხილვას დაეთმო.

კობა გვენეტაძემ თავის გამოსვლაში ვრცლად ისაუბრა ცენტრალური ბანკების როლზე და ბოლო პერიოდში მონეტარული პოლიტიკის განაკვეთის შემცირების ტენდენციებზეც გაამახვილა ყურადღება.

"დღეს ინფლაცია გლობალური ეკონომიკის ალბათ ყველაზე დიდი პრობლემაა, მაშინაც კი, თუ ბოლო რამდენიმე თვე სურსათის, ნავთობისა და ტრანსპორტის გლობალური ფასების უკეთესობისკენ შებრუნების გამო უფრო იმედისმომცემი იყო. ამ მოვლენების გამო ცენტრალურ ბანკებს საპროცენტო განაკვეთების მოსალოდნელზე სწრაფად გაზრდა მოუხდათ. მათგან მოდიოდა სიგნალი, რომ განაკვეთები უფრო დიდხანს დარჩებოდა მაღალ დონეზე. ჩვენი რწმენით, დღეს ჩვენი ეკონომიკებისთვის გრძელვადიან პერსპექტივაში მკაცრი მონეტარული პოლიტიკა ყველაზე ნაკლებად ხარჯიანი ალტერნატივაა. უნდა გვახსოვდეს, რომ ფასების სტაბილურობის შენარჩუნების გრძელვადიანი სარგებელი ბევრად აღემატება ეკონომიკური საქმიანობის დროებითი შეზღუდვის მოკლევადიან ხარჯებს", - განაცხადა ეროვნული ბანკის პრეზიდენტმა.

კონფერენციაში, რომელიც დახურული დისკუსიის პრინციპით გაიმართა, წელს სსფ-სა და მსოფლიო ბანკის ბელგია-ნიდერლანდის ჯგუფში შემავალი ქვეყნების წარმომადგენლების გარდა, მონაწილეობდნენ საერთაშორისო სავალუტო ფონდის მმართველი დირექტორი კრისტალინა გეორგიევა და ნატო-ს ყოფილი გენერალური მდივანი იაპ დე ჰოოპ სხეფერი.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია