თეა ახვლედიანმა თურქეთში მომხდარი ტრაგედიის გამო, თურქეთის საელჩოში გახსნილ სამძიმრის წიგნში ჩანაწერი გააკეთა

შერიგებისა და სამოქალაქო თანასწორობის საკითხებში სახელმწიფო მინისტრმა თეა ახვლედიანმა თურქეთში მომხდარი ტრაგედიის გამო, თურქეთის საელჩოში გახსნილ სამძიმრის წიგნში ჩანაწერი გააკეთა.

შერიგებისა და სამოქალაქო თანასწორობის საკითხებში სახელმწიფო მინისტრის აპარატის ინფორმაციით, თეა ახვლედიანმა საქართველოში თურქეთის რესპუბლიკის საგანგებო და სრულუფლებიან ელჩს, ალი ქაან ორბაის თანაგრძნობა გამოუცხადა და ღრმა მწუხარება გამოთქვა თურქეთში დამანგრეველი მიწისძვრის შედეგად დაღუპულების გამო.

„სახელმწიფო მინისტრის აპარატისა და პირადად ჩემი სახელით, გთხოვთ, მიიღოთ ჩემი უაღრესად გულწრფელი თანაგრძნობა დამანგრეველი მიწისძვრის ტრაგიკული შედეგების გამო. ღრმა მწუხარებას გამოვხატავ დაღუპულთა ოჯახების მიმართ.

გლოვის ამ მძიმე ჟამს, ჩვენი თურქი მეგობრებისა და კატასტროფით დაზარალებული ყველა ადამიანის მიმართ სოლიდარობასთან ერთად, საქართველო მტკიცედ დგას თურქეთის ხელისუფლებისა და ხალხის გვერდით და პრემიერ-მინისტრის ინიციატივით, განაგრძობს მონაწილეობას ფართომასშტაბიან სამაშველო ოპერაციაში, ისევე როგორც ჰუმანიტარულ მხარდაჭერას.

გამოვთქვამ რწმენას, რომ ერთობლივი საერთაშორისო ძალისხმევით უფრო მეტი ადამიანის სიცოცხლის გადარჩენა იქნება შესაძლებელი და დაშავებულები მალე გამოჯანმრთელდებიან", - ნათქვამია სახელმწიფო მინისტრის სამძიმრის წერილში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის