Bloomberg - დიდი ბრიტანეთის პრემიერ-მინისტრი ევროკავშირთან კავშირების აღდგენის გეგმებზე მუშაობს

დიდი ბრიტანეთის პრემიერ-მინისტრი ევროკავშირთან კავშირების აღდგენის გეგმებზე მუშაობს. ინფორმაციას ამის შესახებ გამოცემა Bloomberg დიდი ბრიტანეთის მინისტრებზე, დიპლომატებსა და მაღალჩინოსნებზე დაყრდნობით ავრცელებს.

გამოცემის ცნობით, დიდი ბრიტანეთის პრემიერ-მინისტრმა რიში სუნაკმა მაღალჩინოსნებს პირადად მიმართა თხოვნით, რომ ბრექსიტის გამო მრავალწლიანი დავის შემდეგ ევროკავშირთან ურთიერთობების აღდგენის გეგმები შეიმუშაონ.

გავრცელებული ინფორმაციით, ნაწილობრივ უკრაინაში რუსეთის შეჭრის შედეგები გამო, დიდი ბრიტანეთის მაღალჩინოსნები იმ წინადადებაზე მუშაობენ, თუ როგორ შეუძლია ლონდონს რიგ პოლიტიკურ საკითხებში უფრო მჭიდროდ ითანამშრომლოს ევროკავშირთან.

გამოცემის თანახმად, სამუშაო კონცენტრირებულია თავდაცვაზე, მიგრაციაზე და ე.წ. სახელმწიფო ეკონომიკურ მმართველობაზე, რომელიც ისეთ სფეროებს მოიცავს, როგორიცაა ვაჭრობა, ენერგეტიკა და საერთაშორისო სტანდარტები.

ბრიტანელ მაღალჩინოსნებს იმედი აქვთ, რომ უახლოეს დღეებში ბრექსიტის შემდეგ ჩრდილოეთ ირლანდიისთვის სავაჭრო შეთანხმებებთან დაკავშირებით ევროკავშირთან მრავალწლიანი დავის მოგვარების შესახებ განცხადებას შეძლებენ.

გამოცემის თანახმად, პრემიერ-მინისტრ სუნაკის გუნდს ცდილობს ეს მიღწევა ევროკავშირთან ურთიერთობების უფრო კომპლექსური გაუმჯობესების საფუძვლად გამოიყენოს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია