თურქეთში საქართველოს ელჩის გიორგი ჯანჯღავა აცხადებს, რომ მიწისძვრის ზონიდან "შეძლებისდაგვარად" საქართველოს მოქალაქეების გამოყვანა მოხდება.

ამის შესახებ ელჩი სოციალურ ქსელში წერს და აცხადებს, რომ სტიქიის ეპიცენტრისკენ მიემართებიან.

„უკვე ადანაში ვართ. მივემგზავრებით სტიქიის ეპიცენტრისკენ. მოვინახულებთ ქართველ მაშველებს, დავარიგებთ დახმარებას და შეძლებისდაგვარად მიწისძვრის ზონიდან გამოვიყვანთ ჩვენს თანამემამულეებს”, - წერს საქართველოს ელჩი „ფეისბუქზე“.

ინფორმაციისთვის, 6 თებერვალს, თურქეთის სამხრეთ-აღმოსავლეთით რამდენიმე ქალაქში 7,7 და 7,6 მაგნიტუდის სიმძლავრის ორი მიწისძვრა მოხდა. ბოლო მონაცემებით, დაღუპულთა რაოდენობამ 28 000-ს გადააჭარბა. ამ დროისთვის საქართველოს 5 მოქალაქის გარდაცვალება დასტურდება.