ეროვნულ გალერეასთან სანდრო სულაბერიძის მხარდამჭერი აქცია მიმდინარეობს - ადგილზე ხმაური იყო

ეროვნულ გალერეასთან, მხატვრის, სანდრო სულაბერიძის მიერ ეროვნულ გალერეაში საკუთარი ნახატის ნაცვლად, დატოვებული წარწერის გამო, შინაგან საქმეთა სამინისტროს მიერ გამოძიების დაწყების გასაპროტესტებლად, სახელოვნებო და საზოგადოების სხვა სფეროს წარმომადგენლები აქციას მართავენ.

ადგილზე აქციის მონაწილეებმა ადგილზე ე.წ. პულივიზატორით წარწერის გაკეთება სცადეს, თუმცა პოლიციამ მათ ამის საშუალება არ მისცა, რასაც ხმაური მოჰყვა.

აქციის ერთ-ერთი მონაწილის ნატა ფერაძის თქმით, ყველა პროტესტი ლეგიტიმურია.

"ხელოვნება არის ის სფერო, რომლის შესყიდვითაც დაიწყო ივანიშვილმა თავისი მოღვაწეობა. ხელოვნება არის დარგი, რომელსაც შეუძლოა შექმნას პოლიტიკური ამინდი ქვეყანაში და ზუსტად მისი გაჩუმება იყო ახლა წულუკიანის მიზანი, თუმცა ვერ მიაღწია, რადგან პროტესტი გაცილებით დიდია, ვიდრე აქ მდგომი ადამიანები და უბრალოდ არაგონივრულად მოიქცნენ. თუ უნდოდათ ამ პროტესტის ჩახშობა, უბრალოდ არ უნდა შეემჩნიათ წარწერა. ამ რეპრესიული ნაბიჯების მიზანი იყო, რომ დაშინებულიყო და შემდეგი პროტესტის ჩატარებაზე დაფიქრებულიყვნენ, თუმცა ჩვენი პროტესტის გზავნილი არის, რომ შემდეგი პროტესტის ჩატარება არავის არ უნდა შეეშინდეს, რადგან მათ მხარდამჭერები ეყოლებათ და ყველა პროტესტი ლეგიტიმურია", - განაცხადა ფერაძემ.

ადგილზე მობილიზებულია პოლიცია.

ცნობისთვის, ეროვნულ გალერეაში 4 თებერვალს გახსნილი გამოფენის „ავტოპორტრეტი სარკესთან“ მონაწილე სანდრო სულაბერიძემ საკუთარი ნამუშევარი ჩამოხსნა და მის ადგილას საღებავით კედელზე დაწერა ფრაზა: „ხელოვნება ცოცხალი და დამოუკიდებელია!“.

აღნიშნულ საქმეზე შინაგან საქმეთა სამინისტროში გამოძიება სისხლის სამართლის კოდექსის 177-ე მუხლის, მეორე ნაწილის, ა ქვეპუნქტით დაიწყო, რაც გულისხმობს ქურდობას, რომელმაც მნიშვნელოვანი ზიანი გამოიწვია.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის