აშშ-ში, მიჩიგანში, ჰურონის ტბის თავზე სამხედროებმა კიდევ ერთი მფრინავი ობიექტი ჩამოაგდეს, - ინფორმაციას მედია საშუალებები შტატის გუბერნატორზე, გრეტჩენ უიტმერზე დაყრდნობით ავრცელებენ.
„მოხარული ვარ გაცნობოთ, რომ ის სწრაფად და უსაფრთხოდ იქნა ჩამოგდებული“, - აღნიშნა გუბერნატორმა.
პენტაგონმა განაცხადა, რომ რვაკუთხედის ფორმის ობიექტი აშშ-ის სამხედრო ობიექტებთან ახლოს მოძრაობდა და საფრთხეს უქმნიდა სამოქალაქო ავიაციას.
აშშ-ის საჰაერო ძალების გენერალმა, რომელიც ჩრდილოეთ ამერიკის საჰაერო სივრცეს ზედამხედველობს, განაცხადა, რომ ობიექტი სავარაუდოდ კანადის წყლებში ჩავარდა.
ცნობისათვის, ჩრდილოეთ ამერიკის საჰაერო სივრცეში ერთ კვირაში ოთხი მფრინავი ობიექტი ჩამოაგდეს.