გიული ალასანია მიხეილ სააკაშვილზე - ადამიანი ცარიელი ძვალი და ტყავია - მოშიმშილე ავადმყოფებიც კი ასეთი გამხდრები არ არიან, ამას სხვა სჭირს და ეს სხვა არის მოწამვლა

საქართველოს მესამე პრეზიდენტის დედის, გიული ალასანიას განცხადებით, მიხეილ სააკაშვილმა საქართველოს სახალხო დამცველს თხოვნით მიმართა, რომ მის მიერ შექმნილმა სამედიცინო კონსილიუმის წევრმა ექიმებმა კლინიკა ,,ვივამედში” მოინახულონ.

ყოფილი პრეზიდენტის დედა ჟურნალისტებთან საუბრისას CNN-ის ეთერში გასულ კადრებსაც გამოეხმაურა და აღნიშნა, რომ ახლა მიხეილ სააკაშვილის ჯანმრთელობის მდგომარეობა გაცილებით მძიმეა, ვიდრე იმ კადრებზეა ასახული.

,,სახალხო დამცველის ჩართულობა ძალიან კარგია. მიხეილ სააკაშვილმა მათ თხოვნით მიმართა, რომ ეს შეხვედრა შემდგარიყო. რაც უფრო ადრე მოხდება მით უკეთესი. ისევე სუსტად არის, როგორც ყოველთვის. ყველაფერი უჭირს: სიარული, ჭამა და ა.შ.

ამ ბოლო დროს ძალიან აქტუალური კადრები გახდა. CNN - ის მიერ გავრცელებული კადრები რეალობაა, თან ეს 4 ოქტომბრის კადრები იყო, ახლა მისი ჯანმრთელობის მდგომარეობა უფრო მძიმეა. ოქტომბრის შემდეგ მისი ჯანმრთელობის მდგომარეობა გაცილებით გაუარესებულია. ფაქტია, რომ ადამიანი ცარიელი ძვალი და ტყავია. მოშიმშილე ავადმყოფებიც კი ასეთი გამხდრები არ არიან, ამას სხვა სჭირს და ეს სხვა არის მოწამვლა, ინტოქსიკაცია.

,,ტელეკომპანია იმედმა” აჩვენა პატარა კადრები, სადაც ძალიან მხნედ გადაადგილდება. რა თქმა უნდა, სჯობდა კიევის კადრები ეჩვენებინათ, იქ უფრო მხნედ დააბიჯებდა. იცით რა მიკვირს?! ყველანაირი ხერხით რომ უნდათ ეს ადამიანი აქედან არ გაუშვან. თუ ასე ძალიან უყვარდათ და ასე ძალიან უნდოდათ აქ ყოფილიყო, რატომ ჩამოართვეს ეს მოქალაქეობა?! ძალიან მიკვირს”,- განაცხადა ალასანიამ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია